個個都講盛女,點都要搭咀... 日前拜讀天藍兄的一招擊倒 Santino,提到 J.P. Morgan CEO Jamie Dimon 以投資角度, 回應一位渴望嫁個有錢人的正妹,勁爆笑!忍唔住想寫篇...以買樓角度回應。先節錄原文...
如何嫁個有錢人? (Posted by Ms. Pretty) 講真我條件係非常之好,25 歲,外形超索,有 Style 同有品味囉。我只想嫁比一個,年薪二百萬以上嘅男人, 好想有人解答我,以下幾個問題: 1) 邊度可以搵到最有錢嘅人? 2) 我嘅目標係幾多歲嘅男人? 3) 點解咁多富豪嘅老婆,個樣都係好一般? 4) 你娶老婆會考慮乜條件?或者點樣成為你嘅女友?
J.P. Morgan CEO Jamie Dimon 好有深度回覆 作為一個商人,娶你絕對係一個錯誤決定...你嘅「美麗」會流逝,即是我嘅「金錢」唔會無端端唔見左。 我嘅收入一年高過一年,但係你唔可以一年靚過一年。因此我係持續升值嘅資產,而你係不斷貶值嘅資產。 而且,唔係慢慢貶值,係插水式貶值。最重要係,那是你唯一資產,10 年後應該所餘無幾。用金融術語, 每個交易都有一個倉位,同你拍拖亦係一個交易倉位。如果個倉蝕錢,我地會立即止蝕,唔會持有好耐, 即係只會同你拍拖,唔會同你結婚。
到我...親愛的 Ms Pretty 作為物業投資者,娶你係錯誤決定!你就像大西北的新樓盤!
你的美麗...就像示範單位~~ 樓盤明明坐落在新界山卡啦,示範單位就設在市區頂級商場,無非都係唔想我睇到真實一面啫。 單位明明豆腐潤咁細,發展商就左鑲一塊鏡,右拆一道牆,最後收樓,總是失望慘叫, 所謂連平台竟然對住大馬路,都係掩眼法啫!Ms Pretty 閣下何嘗不是一樣?在舞會中...你那艷光四射、 全身名牌打造的示範單位,收樓時...抹去濃妝,素顏親親,咪又係貨不對辦!
你的美麗...就像新盤豪宅的園林會所~~ 講真...實際上每個月到多少次健身室?用多少次泳池?但成本就轉嫁到業主身上,管理費非常驚人,每呎高達 $3! 所謂羊毛出自羊身上!要維持你的美麗,業主就得繳付高昂的管理費,華麗衣服、首飾、包包...永無止境!
你的美麗...好比樓盤的樓齡~~ 今天跟我說...全新樓梗係貴啲啦!咁出年呢?十年後呢?附近還有很多地皮! 即將有更多新供應,到時還有競爭力嗎?今天你 25 歲,5 年後就是 30 歲了, 到時市場又有其他 25 歲的新供應,我的財富就不斷增加,閣下就不斷貶值, 為甚麼要在溢價最高的時候買入呢?不符合經濟原則。
你的美麗...好比呎價瘋了的瓏門~~ 旁邊的二手樓盤呎價 $4000,瓏門意向呎價 $10000,請問還有甚麼水位呢? 別跟我說新盤升值潛力高,難道它可以賣呎價 $20000 嗎?就如閣下的美麗,難道可以再美麗一倍嗎? 這句說話雖然很殘忍,然而卻是事實,只有更差,不會更好,閣下沒有升值潛力,肯定跑輸大市!
新盤豪宅非常吸引...我會租! 當樓齡開始舊,其他新盤入伙,就會毫不猶豫搬過去。所以閣下應該明白, 為甚麼有錢人只意跟你拍拖,不願意跟你結婚。
買?肯定不會了!所有華麗包裝,賣的就是溢價。 新界就是新界,根本不值這個價,當市場逆轉,溢價就會消失, 跌得特別狠!看看 1997 的豪宅浪翠園,今次呎價還追不到一半! 就正如當我將來冇錢,閣下肯定跟佬消失一樣。
當然,如果閣下願意以低於二手價出售,我會買的! 而且保證,會好好的珍惜你這個筍盤~~XD
原來男人這樣想女人的...太可怕了... 若嫁給這些男人,也不會得到幸福!!! |
留言列表